Google ADS

Protestuesit para gjyqit, jepet masa e ndalimit për 19 të arrestuarit

15:50 | 19 Shkurt 2019
Arbresh.info

Prokuroria kërkoi arrest me burg për 14 nga 19 të arrestuarit për aktet e dhunës në protestën e së shtunës. Ata akuzohen për shkatërrim prone dhe kundërshtim të policisë.

Pas disa orësh diskutime gjykata pritet të shpallë edhe vendimin për ta.

Por seanca gjyqësore nuk ka kaluar pa kundërshti. Që në fillimin e seancës 14 të pandehurit që ndodheshin në sallën e gjyqit kanë filluar të brohorasin “Rama ik”.

Gjatë seancës një prej të arrestuarve deklaroi se nuk kishte bërë asnjë krim, por kishte hipur mbi skelë për t’i shpëtuar jetën një personi tjetër, transmeton top channel.

“Unë shpëtova një jetë njeriu, një plak 76 vjeç, që ishte shtrirë përtokë. Ky ka qenë veprimi im. Kam shkuar lart. I shpëtova jetën atij prindi, atij 76-vjeçari, këtë veprim kam bërë. E kemi ulur poshtë dhe kam ikur. Kam shpëtuar një jetë njeriu dhe sot unë quhem kriminel”, u shpreh ai.

Ndërsa një tjetër mohoj që të ketë qenë në protestë.

Shpërndaje në rrjete sociale

Lajmet më të lexuara

Të ngjashme

Foto lajm